Meeqqanut sumiginnakkanut perorsaavissamik pilersitsinissamut suliaq 2003-mit 2004-nngornerani aallartivissorpoq.
Aallartisaasut tassaapput nuliariit Nikolaj aamma Marta Olsen, katillutillu ukiut 30-it sinnerlugit meeqqat sumiginnakkanik paarsaqarnikuupput ukiunilu kingullerni Meeqqat Illuanni Nuummi sulinikuullutik.
2004-mi upernaaq pilersitsiniarnerup IMP Inuuneq Meeraq Pinngortitarlu atertaarivaa.
Perorsaavik inuinnarmit pigisaq perorsaavinnut pioreersunut unammillertutut eqqarsaasersuutaanngilaq taakkununngalu aamma isornartorsiuinani, angerlarsimaffinnullu pioreersunut unammillernani. Killormulli IMP-ip angerlarsimaffiit perorsaaviillu allat pioreersut Nuummiittut sineriammiittullu suleqatiginissai ammaffigai.